富士山55 (拉麵沾麵專門店)

营业中

休息中

呢间沾面我见个评分都几高，所以我就去试吓啦🤤咁我就叫咗个特浓豚骨沾面黎试吓啦上个阵佢地系用石锅上嘅，到食完个吓我都重摸到个石锅系热嘅，绝对保到温，如果觉得唔够热重可以用电池炉整返热佢。佢个沾面系可以拣面嘅软硬程度，咁我就拣咗正常嘅，佢个沾面跟有2块叉烧，叉烧略略咁烧过吓，薄得黎又好香甜，肥瘦好适中。溏心蛋溏心嘅程度唔错，唔会太硬或者过熟。个沾面汁够浓，唔会太油同埋太咸，d面系挂到汁嘅。咁佢下午茶时间重可以+$20要多碟小食，咁我个日就加咗2只酱油黑椒鸡翼黎试吓鸡翼上枱个阵够热，一句讲晒：皮脆肉嫩多汁🤤我重叫咗支波子汽水黎饮，好有日本嘅味道，$18黎讲价钱算可接受，帮你开埋先上枱，服务一流。