芳華絕代 (已結業)

芳華絕代呢個名聽落同泰菜真係一啲都扯唔埋，不過食落幾有質素，無論環境氣氛同泰菜都不錯，而且仲係出名嘅黃店。🍴去骨海南雞飯（轉雞脾）係少數覺得好食嘅海南雞，鹹味適中，雞肉嫩滑，不過有少少血水。雞皮都係爽嘅。佢個黃油飯一啲都唔膩，好香，配上海南雞，會食唔停。🍴飛天通菜微辣嘅香茅汁炒通菜，好惹味，配飯都好正。🍴小食拼盤有蝦餅，雞肉丸，素菜春卷，雞翼。雞翼好貼心咁整左單骨，炸得好香脆。蝦餅彈牙蝦味濃，素菜春卷同雞肉丸就一般。泰式辣醬好開胃，酸酸甜甜咁。🍴芒果糯米飯呢個係超推薦。芒果好香甜，完全唔酸。糯米飯有兩種，配上椰汁，鹹鹹甜甜咁，又煙靭。侍應服務態度非常好，上菜同收碟都好快。另外，肥A忘記左枝搓手液，店主都好好人幫手keep住，真係好人一世平安。