亞參雞飯 (德福廣場1期)

营业中

休息中

琴晚同朋友去咗德福广场𠮶间亚参鸡饭，试咗佢地嘅亚参去骨海南鸡同新加坡喇沙米线，真系几好味。首先讲吓佢地个亚参去骨海南鸡，鸡肉真系好滑，好嫩，每一啖都充满鸡汁嘅鲜味，油饭煮得好香，粒粒分明，仲有阵阵鸡油香味，加上三种酱汁味道更加丰富，真系令人食指大动，配埋𠮶碗冬瓜清鸡汤，汤底清甜，唔会太油腻，饮完之后感觉好清爽。至于佢个新加坡喇沙米线，汤底浓郁，椰香味十足，而且辣度啱啱好，唔会太辣但又够味；米线煮得啱啱好，唔会太软，保持住弹牙嘅口感，配料都好丰富，有大虾、鱼片同埋豆卜等等…，每一啖都充满惊喜。另外再叫咗两杯嘢饮，一杯系热美禄，另一杯系薏米水，两杯都香味浓郁，尤其是薏米水，里面好多薏米，好足料。总括嚟讲，呢两道菜都好值得一试，特别系钟意新加坡同马来西亚菜嘅朋友，一定唔会失望！