金記冰室 (康怡廣場北座)

营业中

休息中

今日同阿爸阿妈出街，陪佢哋去康怡广场买完衫买完鞋，肚饿啦，见到呢间金记冰室都几多人挂紧队㖞，一于试下呢间。等咗唔系好耐，大约5分钟左右就到我哋。铺头入面都几有港式风味，天花上面放咗几排维他嘅胶箱，好有集体回忆。冇讲咁多，叫嘢食先！我阿妈叫咗个铁板杂扒，冻柠水；杂扒系有鸡扒、猪扒、牛脷。个猪扒好嫩口，唔会太干。老豆叫咗西冷牛扒，冻奶茶；佢碟铁板可能特别热，倒啲黑椒汁落去，即刻炸到成枱都系汁，但系听到啲『喳喳』声真系好正啊！块牛扒仲要几厚同大块下，起码一定大块过大家乐果啲。我就一定要食饭先饱肚嘅，葡国鸡饭，冻奶茶。呢个就一般啦，饭有啲干，葡汁唔够多。但系总括黎讲佢都系好食嘅。