心夜來潮 (已結業)

上完堂原本谂住食南记，行到楼下见到楼上竟然新开咗间心夜来潮！所以决定转軚去食！其实上年我喺大角咀食过一次，无谂过佢竟然搬咗去旺中对面，地点就脚好多！而且餐厅面积比大角咀大好几倍，又坐得舒服好多！由于一个人食，所以只系食咗两样嘢。手工捻面猴，有肉粒，虾米，土鱿丝，翠玉瓜粒，冬菇丝，粉皮，汤底味道似食狗仔粉同油渣面，几好味。小米饺，口感同味道好似蒸鱼皮饺，好鲜味，点酱好食啲，但千奇唔好点太多，系咁意high一high d酱就够，唔系会好咸。地道潮州菜风味，价钱亦大众化，唔错嘅选择。