SHAKE SHACK (國際金融中心商場)

营业中

休息中

小编孤陋寡闻，冇乜听过外国出名嘅汉堡包舖。Shake Shack 一开始话要进军香港，好多人都好兴奋，小编先知佢嘅来头。一开始怕排太耐队，所以冇即刻去试，到之后少啲人先去。宜家喺繁忙时间基本上都要排20-30分钟队，非繁忙时间试过唔洗排。同埋宜家有c-line，系一条买野饮同雪糕嘅express line。野食都出得快嘅。最钟意系佢个包好软，同时亦都有咬口。个底吸左啲汉堡扒嘅油，好香口 个肉多数都系全熟，有肉汁同松软。番茄同菜多数都新鲜嘅，如果有多啲或者大块啲嘅菜就好喇小编最想推介系呢个热狗。不过小编身边嘅朋友都觉得佢无乜特别 小编最钟意呢个热狗嘅配菜，有番茄，洋葱碎，青瓜，墨西哥辣椒，酸瓜，加埋佢个酸芥末汁，非常刺激味蕾。条肠系类似鸡肉肠咁嘅样，唔系大大条𠮶只。不过食呢个热狗会好狼狈，因为佢冇纸包住，会一路食一路跌哂啲涵出黎。炸菇burger都有唔少人钟意，但小编就唔太钟意，最主要系因为佢炸得好㶶，同埋有时旧菇好细。Fifty-fifty系茶沟lemonade，好唔好饮要睇彩数，试过成杯得茶味Cheese fries 好味，个芝士酱唔会好溜同滞。