御石燒 (已結業)

今日同朋友出旺角，去咗御石烧食石烧牛。店铺位于广华街2-20号翠园大厦二期地下10号舖，距离旺角站E2出口8分钟路程，非常方便。店铺内有20个位，主要2人座位同4人座位，坐得舒适。御石烧嘅主食有好多款式，除咗有招牌石烧牛，仲有牛肉或豚肉丼、野菜锅同定食。我地点咗一份御烧特级牛小排同一份御烧极上级黑松露吉列牛。另外可以加$22转紫菜味素饭＋流心蛋＋面豉汤/汽水。石烧牛送到餐桌后，店员会讲介石烧嘅食法。座位上亦有石烧四部曲教学，先用油脂将石板涂满油，再将肉放在石板上烧，最后沾上酱汁便可食用。御烧特级牛小排 $158石烧牛份量好足，牛小排薄薄一片，肉质肥瘦均匀，烧完多汁又唔油腻，配埋酱汁食好夹。御烧极上级黑松露吉列牛 $138每块吉列牛都沾满黑松露，肉质好软嫩，肥而不腻，配上烧完好酥脆嘅黑松露，好食。整体来说，石烧牛份量足，味道唔错，值得一试。