方太糕品舖 (已搬遷) 新店位置

今日要去佐敦，之后去咗方太糕品舖排队买甜品。听讲以前要排半个钟以上，呢几排疫情严重，我净系排咗大概10分钟就买到啦。我大约五点几去到，有六种糕，$18／3件，分别系红豆糕、绿豆糕、桂花糕、椰汁千层糕、眉豆糕同埋椰汁马豆糕，款款都各有特色。桂花糕清甜，带出桂花嘅香味；椰汁千层糕烟烟韧韧，几有咬口；马豆糕几重椰子味，非常特别；眉豆糕同绿豆糕都唔会太甜，非常足料。而我最钟意食红豆糕，里面红豆数量好多，好足料，又唔会太甜，好香。呢一间一定会再回头，试吓其他味道。