蟹慶

营业中

休息中

《蟹庆 》同老公系铜锣湾行街，谂唔到午餐系边食，咁啱经过澳门逸园中心附近，老公好即兴同我讲不如食呢间蟹庆，好似好吸引咁，入到去餐厅环境好日式感觉，门口挂咗好大只蟹嚟做装饰，而餐厅主打菜式系蟹为主，日本直送时令活蟹。今次我地叫咗二人餐「特选会席套餐」，日式时令毛蟹蟹膏好多，食落好鲜甜，蟹肉亦好多食落啖啖蟹肉，好食到停唔到。浜烧鳕场蟹脚，蟹脚师传上菜前已帮你剪好方便食用，蟹脚烧完好香好鲜甜多汁，肉质结实饱满。时令刺身（4款）刺身好新鲜，每款刺身食落好鲜味，肉质弹牙，一啲都唔马虎。甲罗烧配脆饼食落好浓郁蟹膏味相当鲜甜，配埋脆饼一齐食口感丰富，而且卖相亦好吸引。鹿儿岛A5和牛和牛烧得啱啱好，食落有少少入口即融嘅感觉，油脂分布几平均，再配埋特制酱汁一齐食味道好夹，好好食。前菜蟹肉蟹籽沙律沙律新鲜食落好开胃，旁边嘅莹光鱿鱼好鲜甜，一啲腥味都无。蟹肉三文鱼籽茶碗蒸茶碗蒸材料丰富，食落啖啖蟹肉，口感好嫩滑。松叶蟹釜饭店员好贴心帮你将黑松露、葱花、饭素加入热石釜中捞匀，一碗炒饭配上松叶蟹肉食落好满足，值得一试。最后甜品嚟咗蕨饼，口感烟韧唔会太甜，好好食。