銘陽車仔麵 (已搬遷) 新店位置

前排上美食网睇到有人介绍呢间几好食，所以专程由西湾河嚟到荃湾试下，果然冇介绍错呀！不枉我由咁远嚟食呢间。去到发现啲侍应服务态度好好，唔会好冷淡，人情味浓厚，同埋间铺嘅环境令人觉得好舒服，好自在，食野嘅时候都食得舒服啲。我叫咗一碟椒盐鸡翼同酸菜牛腩兰州拉面，鸡翼嘅味道好特别，同出面嘅好唔同，咬落去皮脆肉嫩，有少少盐味 但又唔会太咸，味道啱啱好，至于个拉面份量足够，面条口感好弹牙，而牛腩肉质够嫩，肥瘦适中，亦唔会太过硬，唔会过分＂淋＂，牛腩脂肪嘅部分唔会太过油腻。