岩鹽日本料理 (利舞臺廣場) (已結業)

呢日嚟到铜锣湾利舞台食晚饭，朋友拣咗呢间日式料理。餐厅主打传统日式釜饭，仲有卷物、刺身、寿司、串烧、丼饭等，好多种类选择。串烧盛盒 （8串）（$128）- 卖相已经好吸引，入面有合鸭大葱串、牛舌、鸡软骨、冬菇、甘薯、杂锦鸡肉串、鸡翼同埋日本青椒。烧得啱啱好，够晒香口惹味。当中特别推介日本青椒，牛舌同鸡翼，真心好味。蒲烧鳗鱼釜饭 （$148）- 釜饭系餐厅嘅招牌菜，我哋点咗个蒲烧鳗鱼釜饭试吓。餐厅仲提供埋沙漏，方便你计时，够钟就可以捞饭。另外，仲备有茶渍汤，等你可以当泡饭咁样食。除咗鳗鱼之外，釜饭入边仲有栗子，银鱼仔，菜等等材料。捞埋粒粒分明，入口非常烟靭嘅米饭一齐食，又真系几正。黑松露杂菌玉子烧（$68）- 黑松露好香，玉子烧得好香，带黑松露味，切开入面仲有冬菇同金菇。热辣辣，入口好好味。蟹肉芝士天妇罗卷 （$68）- 呢个十分香口，天妇罗炸得好脆，再配以蟹肉同埋芝士，味道好有层次感。芒果奇异虾卷 （$48）- 呢个绝对系清新之选，芒果配埋奇异果，味道酸酸甜甜好开胃。炸青森带子 （$68）- 炸得外脆内软，带子入口带鲜味，点埋沙律酱，味道够晒丰富。餐厅环境舒适，座位阔落，食物质素相当之