影片
更多
2016-08-25
1204 浏览
今日系同肥妹女友拍拖周年纪念，呢啲日子梗系…梗系要隆重歧视…丫唔系，系隆重其视，所以我专登问下fd有咩好去处朋友介绍呢间四季禅，贪佢楼层高望海境之余，又有半自助餐，肥妹女友自己食几多都得，我就唔使再挨佢啲厨余啦…上到黎，人客唔算多，坐嘅位置睇到啲海景，环境昏暗好有格调由于环境灯光问题…映啲相都暗啲，好彩肥妹女友focus喺食物度，唔喺啲相度，仲话暗暗地，影相出黎几好，俾佢吹涨讲返呢度先，有散叫，又有餐叫，咁今晚就豪一豪，叫返个半自助餐食下我叫左鹿儿岛西冷和牛配照烧汁，肥妹女友自己拣落好order,店员会自动波送上每日精选5款寿司，今日有海胆，带子，蟹棒，腐皮同烧三文鱼有我最like嘅带子，两个字！新鲜！海胆我平时好少食，肥妹女友就好钟意，佢话呢度嘅好新鲜，叫我人一世物一世咩都试下，岩嘅~食唔食都系要比钱，试下啰～呢个海胆我用鲜甜黎形容，的确唔会系葵x广场果啲伪海胆。蟹棒肉质弹牙，腐皮就普普通通无咩惊喜(灯光太暗)之后就去攞啲自助餐嘅食物，都算多选择，仲有鹅肝多士！好贵格呢～师傅不停煎鹅肝，油脂平均同多士系绝配，咁样食油腻感无咁重，不过一旧起两旧止好啦，唔系我排朱古力冻过水有新鲜沙律自己
朋友介绍呢间四季禅，贪佢楼层高望海境之余，又有半自助餐，肥妹女友自己食几多都得，我就唔使再挨佢啲厨余啦…
上到黎，人客唔算多，坐嘅位置睇到啲海景，环境昏暗好有格调由于环境灯光问题…映啲相都暗啲，好彩肥妹女友focus喺食物度，唔喺啲相度，仲话暗暗地，影相出黎几好，俾佢吹涨
讲返呢度先，有散叫，又有餐叫，咁今晚就豪一豪，叫返个半自助餐食下
我叫左鹿儿岛西冷和牛配照烧汁，肥妹女友自己拣
落好order,店员会自动波送上每日精选5款寿司，今日有海胆，带子，蟹棒，腐皮同烧三文鱼有我最like嘅带子，两个字！新鲜！海胆我平时好少食，肥妹女友就好钟意，佢话呢度嘅好新鲜，叫我人一世物一世咩都试下，岩嘅~食唔食都系要比钱，试下啰～呢个海胆我用鲜甜黎形容，的确唔会系葵x广场果啲伪海胆。蟹棒肉质弹牙，腐皮就普普通通无咩惊喜
(灯光太暗)
之后就去攞啲自助餐嘅食物，都算多选择，仲有鹅肝多士！好贵格呢～师傅不停煎鹅肝，油脂平均同多士系绝配，咁样食油腻感无咁重，不过一旧起两旧止好啦，唔系我排朱古力冻过水有新鲜沙律自己调配，又有八爪鱼丸同芋头丸，都唔差，另外可以攞啲鱼生食，都算系咁
主角：我嘅鹿儿岛西冷牛扒睇落平平无奇，食落就惊喜不断，估计佢油花分布好平均，因为我咬落一口都系油脂，牛肉入口即溶，究竟点解会有咁好味嘅食物呢，配白饭一流，可惜无白饭，食返啲寿司饭补数！
呢杯叫Berries Forest系杂莓再加蜜糖同Lime juice,饮落酸酸甜甜，好开胃
总括黎讲如果系庆祝，呢度环境同食物都一流，唔使同人迫，又唔会赶头赶命，仲唔会无食物比你拣，阿肥妹女友好满意！
张贴
