Noc Noc

营业中

休息中

因为一位大埔嘅朋友介绍，今日终于嚟到呢一间酒吧餐厅度食饭，听讲呢一间酒吧餐厅嘅唔系单单有嘢食之余仲有酒饮咁简单，而系听闻佢哋食嘢嘅质素都好高，所以今日我专登约咗一个朋友过嚟呢边食饭我地叫左一个德国咸猪手，而朋友就叫咗一个黑松露杂菌天使面先讲觉得个咸猪手，呢一个真系系我食过咁多唔同餐厅嘅咸猪手黎讲系最好食！！首先佢已经帮你切好一块块，你唔需要自己切咁麻烦，就哂叉黎食就可以，好方便！另外佢个咸猪手嘅表皮绝对唔系平时我食开个种好厚好难咬，而系非常之香脆，就好似炸完咁香脆！但里面嘅肉就完全同佢出面嘅外层，反而系非常之滑嫩，仲好juicy!!!两者配搭起上嚟系天衣无缝,令人齿颊留香而另外𠮶个黑松露杂菌天使面都非常有水准,佢嘅黑松露味都几明显,而且天使面本身就煮得刚刚好!!唔会熟过头或者太硬，非常顺滑，系大众人都喜欢嘅口味！整体来讲，呢一间餐厅虽然系酒吧餐厅，但佢嘅菜式完全不输蚀其他专业嘅西式餐厅！如果大家来饮酒嘅话，都不妨叫下佢哋既嘢食，绝对令你回味无穷，保证唔会失望！