影片
更多
2025-02-05
218 浏览
星期日瞓到日上三竿，起身出门揾嘢食，行几行见到有间几特别嘅门面，即时上Openrice查。 原来系食墨西哥菜，而且评价都唔错，又见里面唔多人，所以就一致决定呢间。 以前曾经喺一啲Food Court 食过墨西哥Taco，觉得几好味，今次可以再回味。 打开餐牌，全英文，虽然知系乜，但结合埋一齐就唔知点煮法，为免叫咗啲唔啱食嘅嘢，就招来职员问个明白。 由于我哋只熟悉Taco，对其他菜式毫无概念，所以不厌其烦问职员呢样点煮𠮶样有咩配料，尽管我哋问题多多，职员依然耐心地一一解答，非常专业有礼。 饮品先到，Pica Pina Mocktail，一片烧过嘅波罗放在冰上，杯口边沿沾上海盐，饮下时有一股香料夹杂草青味，几特别，不过唔系人人都接受到呢种味。 跟住就嚟Taco喇，一份系Fish & A1 Pastor （鱼肉和猪肉），鱼肉以辣椒蒜泥蛋黄酱作为酱汁，劲嫩滑好味；另一份系Steak & Lengua （牛肉和牛脷），牛脷好稔，淋上洋葱加芫茜制成嘅酱汁，令整份Taco味道更浓郁。 再嚟 Elotes Preparadas ，系白粟米加上芝士及蛋黄酱一齐烧，比普通烧粟米更多层次，好甜好味！ 当 N
原来系食墨西哥菜，而且评价都唔错，又见里面唔多人，所以就一致决定呢间。
以前曾经喺一啲Food Court 食过墨西哥Taco，觉得几好味，今次可以再回味。
打开餐牌，全英文，虽然知系乜，但结合埋一齐就唔知点煮法，为免叫咗啲唔啱食嘅嘢，就招来职员问个明白。
由于我哋只熟悉Taco，对其他菜式毫无概念，所以不厌其烦问职员呢样点煮𠮶样有咩配料，尽管我哋问题多多，职员依然耐心地一一解答，非常专业有礼。
饮品先到，Pica Pina Mocktail，一片烧过嘅波罗放在冰上，杯口边沿沾上海盐，饮下时有一股香料夹杂草青味，几特别，不过唔系人人都接受到呢种味。
跟住就嚟Taco喇，一份系Fish & A1 Pastor （鱼肉和猪肉），鱼肉以辣椒蒜泥蛋黄酱作为酱汁，劲嫩滑好味；另一份系Steak & Lengua （牛肉和牛脷），牛脷好稔，淋上洋葱加芫茜制成嘅酱汁，令整份Taco味道更浓郁。
再嚟 Elotes Preparadas ，系白粟米加上芝士及蛋黄酱一齐烧，比普通烧粟米更多层次，好甜好味！
当 Nachos Beef 上桌时，真系吓一跳，粟米片牛肉粒辣椒粒蕃茄粒铺满成碟，再加上牛油果酱喺面，仿如一座小山丘。 虽然系细份，虽然好好味，但真系好大堆头，两个人未必食得晒。
Daily Desert 系 Pan De Elote，质地松软易入口嘅粟米蛋糕，好香粟米味，伴以士多啤梨及忌廉，口感香甜软滑，早知就留肚食多件啦。
张贴
