博多拉麵別天神 (已結業)

好耐冇食拉面啦，经过见到有呢间博多拉面别天神就入黎试下。虽然舖仔细细，但竟然都有自助机买拉面，不但可以用八达通，仲可以用信用卡，好方便。我同朋友分别叫左别天神既豚骨拉面同虾味噌拉面套餐。拉面真系几出色，因为豚骨汤底浓，虾味噌汤底鲜，饮完一啖会再想饮多几啖，最重要系冇味精，因为我差不多饮晒d汤底面唔会觉得口渴。拉面既面比较幼身，但唔会因为咁浸得耐就林晒，仍然保持到口感。溏心蛋比足一只，而且溏心做得刚刚好。至于叉烧，比其他地方食到既瘦，正合本人口味，但朋友喜欢食肥d既叉烧，就略嫌太瘦喇。价钱大约一百多少少既套餐仲包小龙虾蟹籽沙律或饺子4只。个人觉得沙律正d，真系有虾肉，蟹籽亦增加左口感。钟意食拉面既朋友面可以黎试下。