麵全食

营业中

休息中

由于是日同朋友系金钟睇完戏之后，已经饿到唔想周围行......行过见到一间面铺，即刻冲左入去坐低。我同朋友随即一人叫左一碗米线医肚，我食清汤，朋友就食酸辣汤，仲叫左两款小食，包括蒜泥白肉同手拍青瓜！坐左一阵，饮品同小食无几耐就到左，首先试左佢既蒜泥白肉，厚实既腩肉配上蒜泥令人食欲大增，蒜味浓郁，亦没有其他食店那么油腻，黎再多都食得晒！而手拍青瓜既调味都系同出边咁上下味，但欣赏既系青瓜既爽脆同新鲜，唔会拍得太烂同太淋身。😍而食到半路，米线都要上线了！由于见到铺面上面既海报一直强调汤系佢地既强项，米线一到当然就系饮啖汤先啦，一饮落去就知应该无加任何味精，味道不会太咸，又不至于完全没味，反而比到我既系一种好清甜清新既味道，米线挂上既清汤非常味美，由于小弟好喜欢汤跟米线一起放进口，吃到最后只剩下不到十分一碗既汤，相信对我黎讲都好少可食碗面都饮到咁多汤，再加埋杯冻柠茶真系饮到成肚都系水。🤣最后系呢到铺面宽阔，又不会令人有焗促既感觉，真系岩晒购物完到呢到偈一偈脚，饮杯茶食碗面，补充完体力再行过！😋