影片
更多
2021-07-25
1200 浏览
小弟因为实习关系黎到鲗鱼涌附近觅食，鲗鱼涌到太古坊附近既餐厅多不胜数。google推介下先食黄店，今次话既呢间我呢果两次，我会翻兜既原因有两个1.容易有位2.乐林猪软骨同萝卜。唔好既我放起最后讲，先比我描述下我既面食系点样。我习惯饮淡汤先，我叫系最普通既汤底（本人唔太食辣），汤口偏酸带辣（唔知系唔系加左乐林猪软骨有带茄味，所以叫猪软骨唔洗叫鲜茄底）佢既份量以我米八高95kg重既肥仔，普通一碗都够，第一次去食以为唔够食叫左加底食唔晒，罪恶感MAX(´;︵;`)讲下配料因为佢系车仔面，我分别讲下配料如何：萝卜（7.3/10）（必点），甜，它既甜唔系本身自带果种，后煮果阵加，系超正。佢好适合配重口味既野食（加乐林成碗面都系重口）；乐林猪软骨（7.3/10）（必点,试一次先，唔岩就算），近乎必点，味道上面酸中带咸再带微甜，入口软嫩唔柴口，食得出有用番茄煮，但系佢会影响晒你既汤底，我食落去系似带辣既番茄汤，番茄既酸加汤底本身既酸，唔系好夸张，算系我接受到既范围，刺激下味蕾；柱候牛筋（6.9/10），合格既牛筋，都系少咸带微甜，系好软绵，相比我过去系观塘食过车仔面，牛筋系爽口到咬唔断，所以乐林既牛
我习惯饮淡汤先，我叫系最普通既汤底（本人唔太食辣），汤口偏酸带辣（唔知系唔系加左乐林猪软骨有带茄味，所以叫猪软骨唔洗叫鲜茄底）
佢既份量以我米八高95kg重既肥仔，普通一碗都够，第一次去食以为唔够食叫左加底食唔晒，罪恶感MAX(´;︵;`)
讲下配料因为佢系车仔面，我分别讲下配料如何：
萝卜（7.3/10）（必点），甜，它既甜唔系本身自带果种，后煮果阵加，系超正。佢好适合配重口味既野食（加乐林成碗面都系重口）；
乐林猪软骨（7.3/10）（必点,试一次先，唔岩就算），近乎必点，味道上面酸中带咸再带微甜，入口软嫩唔柴口，食得出有用番茄煮，但系佢会影响晒你既汤底，我食落去系似带辣既番茄汤，番茄既酸加汤底本身既酸，唔系好夸张，算系我接受到既范围，刺激下味蕾；
柱候牛筋（6.9/10），合格既牛筋，都系少咸带微甜，系好软绵，相比我过去系观塘食过车仔面，牛筋系爽口到咬唔断，所以乐林既牛筋系有质素。
柱候牛腩（6.2/10）有质素，有时食柴身口质。
自制鱼腐（6.2~6.3/10），好似食豆腐既鱼腐，软绵口感，咬开一半见里面全部都系鱼肉。唔错但个人唔太识欣赏。
唔太好既地方ಠಗಠ都有目前主要有两个（质素，服务）
一间以米线为主打餐厅，米线系碎晒（我见到心都碎埋ಥ‿ಥ）虽然我第一次食系冇咁既情况，但第二次去发生左。可见面既质素一般，睇运气。
好有趣既系餐厅收银系做埋水吧又做埋楼面。
我举个真实例子：我同大叔A坐埋一齐，大叔A锡好纸要落单，见有侍应嘅时候佢就扬一扬张纸示意要落单，我见佢扬足大约三分钟都冇人理（当然佢唔系举足三分钟，佢举下又放下），果阵我仲谂紧食咩好。
到我谂好，谂住叫，就见楼面又拎野食出黎又收银，可见佢哋好忙。我习惯餐厅系平民D我就叫侍应唔系扬纸（习惯）
同埋见大叔扬左五分钟，都冇人理。我就讲「靓女，唔该，落单啦~」我讲完可以相信呢间餐厅落单系要「声控」（埋单都要企起收银系等唔到，因为会同外卖既人企埋一齐，佢哋唔知）。
***最后有一点要留意食完捞一捞汤底，你可能会揾返你既半粒蛋(｡•̀ᴗ-)✧。
整体而言，系唔错既一间餐厅
服务：5.5/10（态度好，但佢哋好忙第一次去有漏单情况出现等左30分钟，所以请追单）
食物：7.2/10（好食，如其他评论讲既差唔多，比较酸既汤面，睇你自己既接受程度）
坐位：5.5/10（有时多，唯有同其他人坐埋一齐，介意？叫外卖啦）
价钱：6.0/10（太古坊就系隔离平极都有限，50up算正常，佢好似冇最低消费，你可以试下只叫面，叫完同我讲下阿姐态度如何(◠‿◕)）
我唔记得左，睇描述啦
$6
44 浏览
0 赞好
0 留言
张贴
