一起‧金饍 (已結業)

今日心血来潮突然好想食韩烧，见到荃湾广场有呢间一起．金饍，所以就捉咗老公一齐去食，我地预先BOOK左位， 7点去到唔太多人，餐厅都几大，环境都几宽敞，一去到店员会问我地烧唔烧烤，烧烤同唔烧烤系会被分配到唔同既台，我地选择左烧烤。由于我地得2个人，食量唔多，而我地想食西冷，又想食牛舌，又咁岩有个SET有齐呢两样野，于是就地叫左个SET，个SET 4百几蚊有西冷+牛肋骨+牛舌，岩哂我地。西冷好厚，仲担心会好难烧，原来都唔会，而且肉质好林，好正，而牛肋骨就好香牛味，好新鲜，牛舌就好爽脆，2个人食真系刚刚好，如果钟意食泡菜既呢度就岩哂，呢度D泡菜超好食，而且仲可以不断REFILL，我地都食左4-5碟。