SHAKE SHACK (國際金融中心商場)

营业中

休息中

假日非繁忙时段经过IFC，试吓今个月岩岩开嘅纽约过江龙店 shake shack。烈日当空下真系几难顶，好彩比想像中唔算多人排队，大约等左15分钟就落到order。铺面唔大，比较多室外座位，但夏日炎炎中午系室外食比较难顶，而且餐厅有唔少位置都系对窗，用餐期间长期晒住。等左10分钟左右就拎到食物，所有饮管酱料纸巾都系去自助吧的，几方便嘅。汉堡包嘅size唔算大，感觉上男士有机会唔够饱。包皮好松软，牛肉好juicy，配搭芝士，生菜，蕃茄，整体上几好味。之后系食极唔停嘅芝士薯条，有好多车打芝士，芝士控必食，份量都唔少，建议两人share。香港限定嘅奶茶奶昔就有少少失望，只系饮到好甜嘅云呢拿味再加好少嘅茶味，未必会再试。比起奶昔，个人比较钟意呢杯 Fifty / Fifty。一半lemonade, 一半iced tea。食完burger 饮几解渴。