薄餅怪獸

营业中

休息中

新蒲岗呢区有好多街坊食肆，喺仁爱街新开左间pizza 店。舖头装修简洁明亮，座位唔多但够宽敞。主食有焗食意粉pizza炸鸡，仲有沙律小食唔少选择，价钱亲民，啱晒大班朋友聚会／一家大细黎食。午餐／下午茶仲有套餐，学生lunch／放学黎好抵食。pizza 用手制饼底，即叫即整，上枱热辣辣。薄批松脆唔饱肚，更能突显材料味道。配料唔花巧，粟米洋葱蟹柳，就是家的味道，烟三文鱼系放上pizza一齐焗而唔系后加，略带咸香，味道ok.美式拼盘有炸鱼薯条炸洋葱圈同香草肠。炸物好出色，够热够脆，表面干身冇乜油。粗薯有薯味，食唔停口。秘烧猪排骨有别于一般既BBQ酱烤，而系用孜然香草腌完再烧，唔错。人均百零蚊，食物选择多，绝对收货。下次试下啲午餐先，60蚊有找。