金鶴拉麵 (九龍城道) (已結業)

早前同妈咪去土瓜湾探亲戚，果晚佢地介绍左土瓜湾新开一间叫金鹤拉面，因为妈咪同我都十分热爱食拉面，系拉面既支持者，所以我地听完就即刻当晚去试下佢。我地去到见到门面已经感觉到好有日本既特色，入面既布置更加有日本feel，全店既格局都系好高级，令我地坐得好舒服。服务员为我地推介左佢店舖既招牌拉面～极浓白鸡汤拉面～妈咪最钟意浓味既汤底，呢一款拉面极之适合喜爱浓味既朋友，仲配有两件一大一小既鸡肉，肉味好鲜嫩。另一款就系极浓虾汤拉面，布满左好多樱花虾既汤底真系好好饮，充满虾既浓郁既味道，配有一只鲜虾，味道鲜甜，咬感爽滑，仲有大大块既叉烧好好味，肉感松软又有口感。我地仲叫左两款小食，一款系～日式饺子～饺子鲜肉多汁。另一款系～唐扬炸鸡～炸鸡脆脆既口感，食落十分香口！下次一定会再来试更多唔同既拉面同小食。