米線哥 (已結業)

今日出左去旺角太子行街揾食，去左最近好多网红推介既米线哥，听讲CP 值高大大个碗。可能有人推介， 都等左半个几钟先排到，不过为左试新野咁都要排下既。有大中小辣，劲辣 同超劲辣 就加$1，除清汤，其他汤底都加$1 巴蜀酸辣就加$2。今次就选左 蜀地川风水煮系烈 既D1 水煮肥牛片米线$55 试下个大辣，加 $5 有冻热饮。 另一碗我地就叫左药膳麻油鸡米线$52。水煮肥牛片米线，有满满生蒜蓉加大豆芽，我最爱就系生蒜，食什么都爱加。个大辣都好正可食用情度，岩晒食很辣既人，肥牛都好靓，有野菌云耳做配料，米线真系几足料，都几满足。麻油鸡米线，好香麻油味，鸡好滑，有金菇，虫草花，个汤底都一流。睇见个碗就知有几好味啦，全部清晒。