串燒堂 (已結業)

假期夜晚竟然唔洗排队，店内冷冷清清。餐厅环境新净，提供一次性筷子。唯独系头顶部冷气机「轰轰轰」好鬼吵，好似隔离打桩咁，加上餐厅播歌，阴功完全倾唔到计，有少少耳鸣。讲下食物啦，串烧食物种类选择都好多，上菜速度好快，可能因为少客，又或者电炉烧得快。推荐鱼豆腐、鱿鱼、茄子，好好食！可惜鸡翼又干又柴，一阵雪味，好失望！以为特级墨鱼丸有惊喜，点知成口粉，更失望！整体来讲，食物味道OK，价钱唔平仲要加一。如果部冷气维修下，绝对会回头帮衬。