漢堡博士 (已結業)

屯門區專食漢堡包嘅舖頭唔多，喺FB上面搵到Dr. Burger；今晚晚餐就嚟試試先。店家可能主力做外賣，所以店內坐位不多。幸運地今晚人唔算多，所以馬上可以入座。我地點咗Dr. 大胃王漢堡，爆芝墨籽漢堡；加點了一份炸薯條。炸薯條先上，新鮮熱辣唔係翻炸；好味。Dr. 大胃王漢堡，如果隻蛋可以做成流心感覺會仲正。用料好足，果然對得住個名；整體感覺好好。爆芝墨籽漢堡，個芥辣醬同墨魚餅好夾；雖然芝士味唔夠出但個墨魚餅好味。配菜都用上羽衣甘藍，CP值高的小店；值得再去幫襯。小店加油。