影片
更多
2011-06-29
133 浏览
我系一个甜品fans，成日周围去揾美味甜品，前排见到小白鹭餐厅个facebook有coupon优惠，午餐送沙律吧，晚餐送甜品拼盘，呢间餐厅个名就听得多，但从未去过食饭，今次为左试下甜品做借口，便立即同几个为食friends来到大埔白鹭湖试试。我地系大埔墟火车站坐的士好快到，一行六人坐在餐厅中间位置，估唔到晚上呢度气氛咁正，楼底好高，餐厅外面就系白鹭湖，环境超靓，食个境都唔错啦。 当然净得个境靓唔实际，最重要D野好食，一于医肚先，佢地精选晚餐有成十样主菜拣，价钱由$148到$268，我地点左菜后，餐厅经理话周一至五凡光顾精选晚餐，甜品有半价优惠，咁就啱晒啦，除左coupon送的甜品拼盘之外，我地仲点左两客呢度最出名的「朱古力软心蛋糕配雪糕」，仲有「小白鹭甜品拼盘」同「焗牛油面包布甸」。 先讲主菜，我叫左客「煎新西兰原条龙脷鱼伴田园沙律」，超大条！条鱼煎得啱啱好，D肉好滑好香，我几怕食完条鱼饱到食唔到甜品，但都忍唔住食晒佢咯
当然净得个境靓唔实际，最重要D野好食，一于医肚先，佢地精选晚餐有成十样主菜拣，价钱由$148到$268，我地点左菜后，餐厅经理话周一至五凡光顾精选晚餐，甜品有半价优惠，咁就啱晒啦，除左coupon送的甜品拼盘之外，我地仲点左两客呢度最出名的「朱古力软心蛋糕配雪糕」，仲有「小白鹭甜品拼盘」同「焗牛油面包布甸」。
先讲主菜，我叫左客「煎新西兰原条龙脷鱼伴田园沙律」，超大条！条鱼煎得啱啱好，D肉好滑好香，我几怕食完条鱼饱到食唔到甜品，但都忍唔住食晒佢咯！D friends 叫左「希腊焗龙虾扁意粉」、「烧德国无骨猪手配蜜糖芥末汁」、「新西兰羊鞍扒配薄荷红酒汁」、「美式炸鱼薯角」、「马来咖喱牛腩」，佢地对D菜评语都觉得水准之上，除左有女仔话D主菜份量太大，食唔晒！有个以前黎食过的朋友话今次比以前好食好多，后来问餐厅经理，佢话换左个大厨，唔怪之得啦。
食完主菜，最令人期待的「心太软」来了，果然无令我失望，热辣辣的朱古力浆好似溶岩咁流出来，一啖朱古力蛋糕，一啖雪糕球，冰火感觉真系好正，其他甜品我当然都无放过啦，结果成班人食到饱到上心口，好满足！成餐饭一共食左一千二百多元，六个主菜加四客甜品，每人都系两百，超抵！
我好少写食评，因为食到好野同人分享会比人话做广告，好无瘾！食到唔好的自己又唔想再浪费时间去写，只有唔再去帮衬做抗议！今次系第一篇食评，希望以后食到好野再同大家分享啦！
张贴
