亞萊嘜嘜 (已結業)

难得放假和朋友到荃湾shopping，经过千色店发现E间食泰式料理既餐厅~大约8:00pm，我们四人入到去,都唔使点等位，环境都唔错几整齐干净。然后我地点左5样食物包括一个甜品和4杯饮品。首先我地点左个杂锦拼盘，e个拼盘几适合一家大细食，完全唔辣既。D串串穿住红椒青椒蕃茄菠萝，好健康。米纸卷里面有一大块九层塔，中意食既朋友可以试下，我本人对九层塔既味道不太喜欢😅。然后就上左酥炸乌头配青芒果沙律，e个食物唔系间间泰式餐厅都有，真系几特别，食鱼既同时配埋青芒果一齐食，食落都无咁有罪恶感😆第三个食物就系泰王香茅烧鸡，一放上枱，够晒气势，烧鸡下面有辣椒、九层塔、香茅等，服务员会点火烧起下面既香料，烟熏上面只鸡。烧鸡食落好滑，整得好食👍🏼，配埋特制酱汁😋😋个泰式潮爆炸鲜鱿真系潮爆，D鲜鱿串到几高下，岩晒打卡，食落好香脆，下面有辣椒干，九层塔干，配埋个酱汁食（辣辣地），够晒野味。最后去到甜品，里面有红肉火龙果肉，普通火龙果肉，西米，冰沙，芋圆，椰汁。夏天食真系好正。餐厅设有洗手间，整体黎讲我地对e间餐厅都满意，餐厅对面已经系巴士站，又近MTR,有时间一定会再黎过。