羲和雅苑

营业中

休息中

同朋友讲起想食片皮鸭，上网见到呢间觉得唔错就嚟试下。我地一行三人，叫左一个二人套餐Set，分别有一个前菜、两个主菜、两个汤、半只片皮鸭同两个甜品饮品。个人觉得个套餐都几抵食。首先上既系汤品，分别系鱼肚汤同燕窝羹，鱼肚汤有少少失色，主要系仲有啲鱼腥味，个人对腥味比较抗拒。至于燕窝羹相比较之下，显得更为理想，汤头既鲜味再加上足料既燕窝，相得益彰。前菜拣左黑松露鹅肝，唔知点解我朋友要系中菜馆食鹅肝，同预期一样，无乜特别。主菜系金沙鲜鱿鱼同埋黑糖排骨，咸蛋黄炒鲜鱿鱼非常入味，黑糖排骨少少酸少少甜，所有味道都刚刚好，师傅工架唔错，值得赞赏。主角片皮鸭，油脂丰富，配搭配菜，一口一块片皮鸭，爽快。