名人私房菜 (已搬遷) 新店位置

唔系朋友介绍都唔会识上黎，位于汉光大厦，虽然openrice 地址系写汉口道，但其实大厦入口系响转弯后既宜昌街，呢点就要留意啦！上到去，门口位是咁的。安排左间房仔，正呀喂，未食已经先感受到家的味道，电视汁捞饭！！上菜啦！先黎菜干红罗白猪肺汤补一补，汤渣另上，好耐无饮过啦，本人爸爸以前间唔时都会整架，依家就少左啦。不过要知道洗猪肺呢样野真系好考耐性架。所以呢个真系心机汤水。再黎姜葱炒蟹，一上菜望到对蟹钳真系心心眼，啖啖肉，食落又唔会太咸，正！黄金虾，好香口，好好味呀！本人好中意食黄金乜乜乜，另外好欣赏个伴碟，成朵花咁，靓靓。蒸海班，蒸得岩岩好，掂呀！凉拌手撕鸡，卖相又系好靓，好多颜色咁，见到都胃口大开，食落又系好好味，仲食到有少少wasabi 味，正正子。粉丝蒸扇贝，蒜粒捞埋粉丝已经好好味。鱼汤什菌，食到尾声，有啲菜落下肚，即刻健康啲。最后仲有甜品食，雪梨雪耳南北杏糖水。因为啲雪耳整到好碎，所以食落比较杰身，正呀，好似煮溶左啲雪耳咁！饮完好滋润。食完超满足，捧住个肚走。