6座雲吞麵 (已搬遷) 新店位置

平平地想食个tea，云吞粉都系一个唔错嘅选择。佐敦食店众多，见呢度下午茶几抵食，环境又ok，就入去试试。有别一般粉面店，呢度装修骨子，感觉整洁，$28有一碗粉、一个小食同一杯饮品，确系优惠。云吞面（多腩汁）云吞唔算大粒，但胜在皮薄同馅料均匀，肉同虾各占一半。汤底鲜甜，本身已加咗啲虾子作点缀，加上我嗌咗多腩汁，所以并唔觉店来食评所提及嘅汤淡。但面就唔够面香，有待改善。风沙鸡翼4小件单骨鸡翼。感觉似普通炸鸡翼，冇唛特别，不过就炸得香口，同埋热辣辣。炸酱面老公单嗌咗炸酱面，$28。对面嘅comment一样，冇唛面香。炸酱就唔错，酸酸甜甜，肉丝外仲有啲冬菇作配料，口感更佳。值得一提嘅系呢度嘅辣椒油真系几辣，不过樽面已有温馨提示，唔食得辣嘅话千其唔好落咁多。整体嚟讲味道算唔错，尤其系呢度以冇味精作招徕，味道当然冇其他面店咁惹味。但呢度坐得舒服，价钱又优惠，都值得帮衬。