巢私厨川菜 (裝修中)

呢日早左收工，同个同事走左去铜锣湾行街。行到咁上下肚饿，上Openrice揾食就见到呢间巢私厨川菜馆都几多好评，我地又钟意食川菜,，所以就上左试下啦。上到川菜馆，可能时间尚早未有太多人用餐，环境宽敞，座位唔会好迫，几舒适。台上既餐具亦以雀仔做主题，筷子托都几得意。我地叫左个 “秘制酸菜鲩鱼” 同埋 “老醋海蜇头”。本黎惊唔饱想叫埋个四川担担面，但系侍应好好人好细心，见我地得两个人就提醒我地原本个“秘制酸菜鲩鱼”已经有薯粉系里面，可以食左先唔够先再叫个面。 秘制酸菜鲩鱼我去到边间食酸鱼菜都好，都有个小习惯，会先毕一碗酸汤试试味道。汤底唔会好咸，酸度适中，叫左小辣，我觉得唔太够辣，个种辣系要去到后劲先Feel到。至于鲩鱼，都好大片，食落每片几入到酸汤既味，鱼味亦几浓。但鲩鱼比较多骨，如果唔想食到咁多骨，菜馆亦有桂鱼选择。而薯粉有惊喜，初初以为透明灰灰地个种薯粉，点知系白色既薯粉，望落似乌冬。食落口感烟韧，又唔会过于烟韧，岩岩好。比起透明个款薯粉好食好多。本身我唔太好薯粉，呢款白薯粉的确令我对薯粉有改观。 老醋海蜇头呢个凉菜亦有惊喜，海蜇头好好食入哂味，用既老醋唔会好酸，带有小小甜既感觉，唔