老三火鍋 (已結業)

今日黎到呢间用鸭做汤底黎打边炉，一开始唔驶多讲，饮左个汤先，好浓郁既鸭汤，好饮无味精。睇睇餐牌，有鸵鸟肉，即点，因为唔多餐厅有，果然好好味，好嫩口，重点左脆脘片、炸鱼皮、澳洲带子、醉鸡丸、鲜虾丸、蜂巢豆腐同一d 菜。脆脘片同炸鱼片都唔错，几脆几新鲜；澳洲带子亦新鲜，只系不是太厚，厚d既话口感一定重好，醉鸡丸一上黎，有个牙签整既旗仔写住小心烫口，觉得好奇怪，因为鲜虾丸都无，原来食左先知系老板细心既举动，醉鸡丸咬落去系有汁架，重好多添，有酒味，好特别，好好食，唔知大家有无食过蜂巢豆腐，其实系将新鲜豆腐放入冰格，雪冻左之后再煮熟黎食，豆腐有一层层既口感，好特别，所以今次见到有即点。总体黎讲，呢间鸭煲边炉d用料好新鲜同都真材实料，非常值得一试！