北料南麵 (已結業)

今晚行开深水埗，又突然想食辣野，男朋友search到间都算多好评的北料南面，于是去try下啦。如果喜欢食辣，北料南面可以满足到你。麻辣牛展面（中辣）这里辣度选择有微辣、小辣、中辣、大辣、超辣，因为第一次来食，所以保守d拣左中辣试试先（利申我同男朋友都算食得辣，平时谭仔食大辣）。这里的中辣，比想中辣！虽然好辣好麻，食到个嘴巴都麻麻地，但个汤底唔会太油腻。牛展同平时食开个样唔同，平时系一片片的，这里是一粒粒的，放入口又有另一番感觉，够入味又有𡁻口，一点都不韧。面条好滑身，同个汤底好配合。口水鸡（中辣）鸡件份量都多，比牛展面再辣d，肉质嫩滑，可惜鸡身有点肥，肥膏部分比较多，这就有点扣分。麻辣海蜇（中辣）海蜇本身就冇乜味，依家吸收左麻辣汁，几好味，而且口感好爽滑。食店有挑战活动，20分钟内食哂指定碗面同汤，就唔洗俾钱，下次有机会挑战下先。