葡匯咪走雞葡國餐廳 (已結業)

细个跟住父母去澳门玩，一定会去小飞象，木偶餐厅食葡国菜，印象最深刻嘅𩠌菜有乳猪，马介休。其他菜式就同一般西餐差唔多。而家年纪大咗，都久唔久会谂起童年嘅快乐时光。可惜嘅系爸爸已经唔响身边，而近年澳门嘅葡国餐厅质素每况愈下，反而香港嘅葡国菜仲做得几好。今日难得嚟尖沙咀 Staycation，知道有间唔错嘅葡国餐厅，一于试吓先！葡汇咪走鸡个名怪怪地，但又几 Funny，店里店内都有主厨个样，佢个唛头应该几出名（我估）。店内空间大，而且宁静，感觉好 relax。价格方面走中高档次，今次人均消费$320。八爪鱼沙律八爪鱼非常鲜嫰，第一次食咁嫰嘅八爪鱼，而且份量都几多 炸马介休球记忆中嘅味道…… 马介休同薯蓉混合再炸，外层酥脆，内里creamy 。好想食多几个 。葡式烤乳猪（半只）之前响澳门食过烤乳猪，感觉好差。今日再挑战，话晒都系招牌菜，应该有返咁上下嘅！果然！皮脆肉嫰超 Juicy，猪肉味超浓。可惜啲腌料唔多入味，以致内咸中间冇味。乳猪下面有炒饭，有三色椒、 橄榄，味道甜甜地 大人细路都钟意。MC's Mocktail 无酒精嘅鲜杂果宾治，一家人饮梗系叫一揸 (Jar) 啦！水果好多，有汽橙汁