越好

营业中

休息中

最近天气湿湿热热咁，唔知点解就想食下东南亚嘢食，同朋友经过见到佢叫越好，一于试试佢。我哋叫咗两份小食，然后不约而同地拣咗食捞檬。越式炸春卷春卷炸得恰到好处，好脆口而且一啲都唔油腻，入面嘅馅味道亦唔错。炸虾饼好味！佢系我暂时食过嘅炸虾饼top 3之一，完全食到咩叫外脆内软，可能我本身唔钟意好硬好实个种口感，呢个虾饼啱晒我口味，而且佢亦唔厚粉，新鲜炸起热辣辣真系一流。鸡丝扎肉捞檬好足料！佢个扎肉好香好味，而且份量比起平时出面食较多；鸡丝亦唔错，其他配菜都食得出好新鲜，配埋捞檬酸汁够晒开胃。越南猪扒捞檬一食块猪扒，即时觉得好「越南」呀！猪扒好林好香，口感好好，同平时越南餐厅个种腌香茅猪扒味道唔同，好正。最后我哋叫咗杯美禄同埋柠水，大满足嘅一餐。