孖寶 (已結業)

是日咁啱要去龙琛路体育馆打波，于是放工后就约埋波友喺上水食埋dinner先去做运动。好耐无嚟过上水觅食，所以就误打误撞咁入咗呢间「孖宝小馆」，睇个名以为系茶餐厅食小菜同碟头饭，点知睇个menu先知系西餐，个名又真系改得几特别😂👍🏻咁我哋就散叫，叫左尼哥斯沙律、80z安格斯牛肉芝士汉堡同bbq精选薄饼。尼哥斯沙律：开头唔知系咩黎，原来系吞拿鱼，吞拿鱼不吝啬，有好多块，有黑椒包围住，好惹味，沙律菜新鲜，加上蜜糖，十分醒胃！80z安格斯牛肉芝士汉堡：调味恰到好处，牛肉唔会好咸，而且肉质鲜嫩，一啲都唔韧！特别一赞，包皮烘好松脆，涂上牛油，外皮芝麻极香！bbq精选薄饼：即叫即整，热辣辣，皮脆馅料足，馅料铺满成块薄饼！环境方面，座位舒适宽敞，带埋一家大细嚟食都好适合，我食饭就最怕同隔离枱痴到实一实，同前后枱又背对背贴埋，所以呢间餐厅系坐得好舒服👍🏻服务方面，店员有礼，亦会主动介绍餐牌上嘅重点食物，令食客有宾至如归嘅感觉！我7点到餐厅，佢仲提我地，原来逢星期一至五，晚上7点半前叫食物，会免费加餐汤，好在快落单，感觉好抵！