影片
更多
2009-06-01
38 浏览
讲野食前, 先讲下book 位既有趣故事:前一晚八点左右打黎book 位, 一个唔算太有礼貌既waiter 接电话, 问左我咩事之后,讲「麻烦你九点半后打黎好冇呀, 我地依家好忙呀」 ... 「好呀, 唔该你」 (有小小想打退堂鼓, 感觉唔系太有礼)九点半打去, 终于可以讲想book 几点啦waiter :「唔好意思, 我地full booking 啦, 你介唔介留联络waiting 呀」 (玩咩! ! ) 「咁好呀, waiting 呀, 大约八点左右到呀」对答一阵...我问佢:「咁有位既机会大唔大ga」waiter:「好难讲架, 我建议你可以揾下其他餐厅以防万一」(够坦白!!! 但系好似有小小唔休做既感觉)打定输数, 所以到左约定时间依然系天水围hea紧特然接到电话话有位, 留位15分钟....幸好迟左去到都有位叫左1. 海鲜大餐 ($198/set)沙律/餐汤 + 焗蚝 + 老虎虾 + 羊架 / 4oz 牛柳 / (唔记得左系咩) + 甜品 + 餐饮要左沙律, 羊架2. T骨餐 ($78/set)餐汤 + T骨 + 餐饮沙律: 味道好普通, 份量唔多餐汤(粟米南瓜汤): 饮黎饮
前一晚八点左右打黎book 位, 一个唔算太有礼貌既waiter 接电话, 问左我咩事之后,讲
「麻烦你九点半后打黎好冇呀, 我地依家好忙呀」
... 「好呀, 唔该你」 (有小小想打退堂鼓, 感觉唔系太有礼)
九点半打去, 终于可以讲想book 几点啦
waiter :「唔好意思, 我地full booking 啦, 你介唔介留联络waiting 呀」
(玩咩! ! ) 「咁好呀, waiting 呀, 大约八点左右到呀」
对答一阵...
我问佢:「咁有位既机会大唔大ga」
waiter:「好难讲架, 我建议你可以揾下其他餐厅以防万一」(够坦白!!! 但系好似有小小唔休做既感觉)
打定输数, 所以到左约定时间依然系天水围hea紧
特然接到电话话有位, 留位15分钟....幸好迟左去到都有位
叫左
1. 海鲜大餐 ($198/set)
沙律/餐汤 + 焗蚝 + 老虎虾 + 羊架 / 4oz 牛柳 / (唔记得左系咩) + 甜品 + 餐饮
要左沙律, 羊架
2. T骨餐 ($78/set)
餐汤 + T骨 + 餐饮
沙律: 味道好普通, 份量唔多
餐汤(粟米南瓜汤): 饮黎饮去都系觉得似粟米汤, 但系味道唔错, 好香既牛油味
焗蚝: 好香, 好劲牛油蒜蓉味, 好食! 可惜细只, 唔够喉, 只得细尝
主菜到啦!!!
老虎虾 + 羊架:
烧老虎虾 - 无太多调味, 用烧既方法煮, 好鲜甜, 保留到虾既甜味, 仲有好多膏tim。够大只, 啖啖肉, 啱晒我呢d 食肉瘦!
烧羊架 - 都系烧既, 七成熟依然好淋。羊架上面好似架左小小糖去烧, 食落甜甜地, 又够膻, 加小小薄荷酱, 好味!!
呢个真系有d 惊喜
T骨:
同样系烧, 要左七成, 有小小干。味道唔错, ok
餐饮要左冰朱古力, 好多cream 系面, 啱口味, 好饮!
甜品系朱古力蛋糕, 好精致, 细细件, 两啖食左
整体黎讲, 感觉非常好
虽然呢到细细间, 又无装修, 但系d 食物有用心做, 卖相又几靓, 味道又唔错, 值得推介下
唯一唔好既系个种唔休做既感觉, 幸好佢地仲有一个好有礼貌既侍应姐姐为佢地争返d 分
张贴
