Bayview Restaurant Sashimi Oyster Bar (已結業)

朋友介绍呢间餐厅静静地啲嘢食又唔错，加上有个维港夜景啱哂我地几个女仔倾计敍旧。我地叫个二人餐 ,有生蚝半打 -- 重海水味,我钟意！!野菌忌廉汤同烟三文鱼沙律都ok冇乜特别. 焗田螺个薯蓉底好味过田螺.主菜点煎羊架同鲈鱼 ,羊架-我D朋友话超正,可能二人餐既关系 , 得三支 , 好彩我唔食羊 , 鲈鱼 -- 好滑但冇乜鱼味 , 特别推介煎鹅肝..呢个系最值得赞既 , 外层煎到好脆 ,但个心仲系好软好juicy.. ,简直系入口即溶 ,我平时唔系好钟意食鹅肝觉得好苏,但个酱汁好出色,拼埋落去就唔同哂..如果唔系叫咁多野 , 真系想encore , 大头虾 -- ok .黑松露带子意粉- "正" , 好creamy ,甜品都唔错, 焦糠炖蛋 , 木糠蛋糕 , 同心太软 , 三样之中我觉得心太软最得 , 朱古力够浓 , 个心又好漏 . 不过地方就细D, 但都几有情调.成餐饭加埋二支白酒差唔多二千蚊 , 唔算平 , 不过加埋呢道个环境, 我觉得都OK既~