影片
更多
2014-04-06
2248 浏览
一年无来大坑食野，今日系铜锣湾行完街，便顺入来揾好野食。全个大坑好似花虚一样，人多，食店多，好多仲系度装修紧添。我同好友行左2个圈，决定唔到，因为间都好似好正。最后，我地唯有靠睇open rice 来决定，最终拣左金之藏，佢好在有拉面同串烧2样拣，我地贪心呀吗😁😁😁试多D。来到哩间铺面口，见到全店full晒，心谂哩间野都几劲，仲要我地等15分钟，太串啦！😠😠😠终于到我地坐底，虽然好肚饿，但我做人严谨，只点了十多款试一试先，唔值得就即走。可能系今日客人多嘅关系，头一道菜金之藏沙律都等左8至10分钟，哩个沙律外观不错，仲几大份添，我认为好扺食，58蚊咋，岀面D餐厅比几片豆腐同蕃茄都收六七拾。十五分钟左右开始陆续有串烧上枱，不得不提个炸豆腐，好好味，48蚊咋，真系人都癫，岀面哩个价最多比2件，哩度3件，仲要好味，卖相靓，我认为个厨师好有诚意，装食物D碗碟都系用好野，值得一赞。串烧深刻嘅系个牛小排，D肉汁直射喉咙叮，味道一流，外层烧到香喷喷，带有少许黑椒嘅香味，好吸引，48蚊一串。烧龙虾值得一赞，最初谂住98蚊只龙虾，应该好细只，点知一上枱，我同友人已哗一声，ok 大只之余，味道鲜甜，肉质弹牙
一年无来大坑食野，今日系铜锣湾行完街，便顺入来揾好野食。
全个大坑好似花虚一样，人多，食店多，好多仲系度装修紧添。我同好友行左2个圈，决定唔到，因为间都好似好正。最后，我地唯有靠睇open rice 来决定，最终拣左金之藏，佢好在有拉面同串烧2样拣，我地贪心呀吗😁😁😁试多D。
来到哩间铺面口，见到全店full晒，心谂哩间野都几劲，仲要我地等15分钟，太串啦！😠😠😠
终于到我地坐底，虽然好肚饿，但我做人严谨，只点了十多款试一试先，唔值得就即走。可能系今日客人多嘅关系，头一道菜金之藏沙律都等左8至10分钟，哩个沙律外观不错，仲几大份添，我认为好扺食，58蚊咋，岀面D餐厅比几片豆腐同蕃茄都收六七拾。
十五分钟左右开始陆续有串烧上枱，不得不提个炸豆腐，好好味，48蚊咋，真系人都癫，岀面哩个价最多比2件，哩度3件，仲要好味，卖相靓，我认为个厨师好有诚意，装食物D碗碟都系用好野，值得一赞。
串烧深刻嘅系个牛小排，D肉汁直射喉咙叮，味道一流，外层烧到香喷喷，带有少许黑椒嘅香味，好吸引，48蚊一串。
烧龙虾值得一赞，最初谂住98蚊只龙虾，应该好细只，点知一上枱，我同友人已哗一声，ok 大只之余，味道鲜甜，肉质弹牙，扺食！我地安歌左多一份，实在太抵食啦。
法国鹅肝多士又系杀死人，我平时好少食哩D野，因为好多都有阵'声'味，我麻麻地，不过服务员话系法国野，好好食架。咁样就试下啦，哗！有惊喜，好食，值得一试，98蚊姐。
其他串烧D水准都到位，总括来讲，哩间餐厅值得一试，我地个日食食下，仲开埋酒，非常满足，虽然D服务员忙，但都尽量照顾我地，不错，我最后比左六拾几蚊小费。
张贴
