冬蔭公公 (已結業)

新城市不嬲都难揾食，好彩连城广场呢到唔系太多人，都唔系太难揾位。落单方法方便快捷，好似饮茶D点心纸咁自己TICK。我地3个人叫左2个面，一个小食拼盘同半份木瓜沙律。首先到既系个小食拼盘配既2杯饮品。下面见到既系黑珍珠椰汁冰同埋咸青柠梳打。2杯野饮当中我PREFER咸青柠梳打，味道青D同埋无咁甜。下面呢个系冬荫汤米线，辣度有分BB辣中辣同大辣，今日拣既系BB辣，味道OK，唔算太辣太淡，但下次可以试中辣，配埋米线味道唔错。唯一美中不足既就系D配料要续样加钱，唔多化算。之后到既系鲜鱼汤幼薯粉配炸鱼皮，炸鱼皮系分开上既，鲜鱼汤底够鱼味，不过同冬荫汤米线真系无得比。个小食拼盘就正啦，又串烧又肉又虾又春卷，我本人最钟意既都系串烧同虾。本身佢都有D汁配既，但系D肉已经够味，唔点酱都OK。最后到既系木瓜沙律，呢个有少少失望，得个辣字，其他咩味都食唔到。