夢屋 (已結業)

早排经朋友推介，知道有间cafe有棉花糖多士食，于是即管约朋友去试下。因为唔熟铜锣湾所以揾左一阵先揾到呢间cafe。店铺唔算好大，但比人个感觉就好舒服。嗌左一个蕃茄鸡肉包同棉花糖多士，个多士就等左一阵就有。切嘅时候有d困难因为啲棉花糖好痴同埋多士与多士之间嘅榛子酱都会痴住把刀。但个口感就好丰富，棉花糖、多士(夹饼)、榛子酱、花生、朱古力酱！但自己一个食就一定食唔晒，因为食得多有啲滞，我同朋友都差啲食唔晒。另外个蕃茄鸡肉包都唔错，个包好脆，蕃茄味好浓郁，仲有粟米做伴碟，唔错！