芝心糖人街 (已結業)

九龙城比较偏既位置比我揾到间主打芝士小食既糖水铺，岩岩食完晚饭，食个糖水就岩岩好喇。晚饭食到好饱，所以无叫小食，2个人叫左2个甜品，杨枝金露加丸子同埋芒果脆脆。原本以为芒果唔系季节，所以会唔甜，但系呢到个杨枝金露出乎意料好甜好好味，加埋d酸酸地既西柚粒，真系好正，另外既丸子唔会太甜，又有咬口，成个配搭都好match。另外芒果脆脆就更加正，完全做到外脆内冻，脆脆皮够薄，卷左2-3层，入面有芒果加cream，口感真系唔错，甜甜地咸咸地。呢间甜品铺值得一试，决定下次再黎试埋佢地既芝士小食。