TC2 (Tea Coffee Two) (已結業)

近期喜欢去咖啡店食晚饭，一来饮杯咖啡，二来通常唔赶人！上网揾到呢间咖啡店，地点唔就脚，行到去觉得门口特别， 红木框玻璃门，内在似间书店加咖啡店，红灯光加不成套嘅木桌椅，有种随意嘅格调！ 坐在中央嘅二人枱，店员先比杯水加餐牌我，我选择困难症发作，食物有晚餐，可以散叫小食，本来想食意粉，但晚餐个意粉又唔喜欢，散叫又无意粉，最后叫了晚餐嘅扒餐！ 跟餐野菜沙律：份量都几大，罗马菜为主，夹杂啲粟米粒同红萝卜丝，令爽脆口感有层次！沙律酱唔会太多，酸酸地开胃！ 跟餐餐汤：洋葱薯仔粟米汤，汤杰身，好似食紧薯蓉，中间夹杂好多粟米粒同洋葱，增咬口，口感丰富，蒜茸包外脆内软，好香蒜蓉味，虽然油但唔腻！好味 芝士蘑菇焗牛柳（$148）卖相好特别，脆酥皮垫底，上面嘅牛柳好淋身，加啲炒过嘅芝士蘑菇，酱汁辣辣地好味，薯角外脆内软，外面味粉香口，蔬菜只有好少，几棵西兰花加粟米！好在爽脆唔淋！ 即磨咖啡：拉花有啲散散地，咖啡香浓微涩！加完啡糖刚刚好！甘味可解腻！食物水准唔错，成份餐嘅食物都好味，食物会等我食完一样先上另一样，唔会有赶嘅感觉，店员一路我我食完一款，收走只碟，好细心，我睇餐牌睇咗好耐，见住店员在厨房