The Sky Bar (已結業)

喺facebook见到有$298套餐仲有一打生蚝。我地呢d生蚝控当然要衬honey生日俾个借口试试。当日book左7点钟，我地早左15分钟到，即刻入座。入到去得几枱客。但过多阵已入满人了。个职员仲好细心俾个篮我地放手袋添。我地点左2个set. 首先上枱当然系生蚝啦。生蚝有几款。但系我唔识分，不过味道有海水味浓的，有creamy的。味道唔错。仲有一杯白酒，我对酒无研究，但容易入口，已经觉得ok。跟著系汤，应该系薯仔汤，因为有少少薯仔蓉系里面，好味。跟著上主菜，我点左海陆拼盘。鹅肝唔腻，海虾无特别，西冷我觉得有牛味，但唔浓。上枱时只碟系热架。都算有心思呀。最后上甜品，虽然细细件，但我觉得酸酸地好好味。 整体黎讲我觉得算中上，抵食。可以值得一试。