大笪地火鍋 (已結業)

琴晚一家大细过去试下最近好出名嘅 大笪地火锅，因为订咗位，到步等咗一等就有位。坐底第一时间叫咗个花胶鸡煲汤底，再睇下有咩食；脆骨腩，脆鲩片，鳝片，牛肉，鸵鸟肉，炸支竹，炸鱼皮，娃娃菜，小唐菜等汤底，嘢食都好快就送上，转眼间就已经成枱嘢食。食物质素高，连十分有要求嘅二宝都话 d 骨腩等食落有味道。环境方面，店舖地方/餐具干净，高风期冷气不足。因为装修，汤底，食物及嘢饮都同同区另一间火锅店相似，心里都会同佢比一比较，结论：两间店舖系好似，价钱都差唔多，各有特色。不过个人会比少1-2分 大笪地，因为另外果间，人地一上个汤底，会同我地讲句可以先食鸡，饮咗 d汤先再加汤火锅。大笪地就输咗呢少少。