觀自在素食 (已結業)

我平日都有初一十五食素既习惯，碰啱假日都会同阿婆过来食。而年尾多聚会，大家都食落好多油腻野，我就提议不如聚餐去哩间传统斋舖啦。蜜汁叉烧哩个应该系舖头既王牌，因为真系好好食，每次必点。上碟既时候热辣辣，仲冒紧烟，D边边炸到脆脆，夹住榄角香味，仲有少少甜甜蜜味，推荐！青咖哩肥牛茄子煲青咖哩食落好似加左椰汁（我估）都几香。当然比唔上泰式青咖哩惹味，亦都唔辣，但配饭都ok。生炒糯米饭表现普通，有少少松散，唔算绵。芋头鱼正常水平，不过不失药膳牛肉煲药膳味无论食同闻到都系好浓既，我就麻麻 不过都理解既，毕竟斋菜要落多d调味先出到味既。南瓜羹南瓜应该系打碎系羹入面椰汁撞奶原只椰青，好香好滑～整体来讲，食物味道系几好既，环境都干净同几怀旧。但同行朋友比较少食素，佢地评价就一般，始终食开出面既野系比较浓味。我觉得系一间唔错既素食店，值得试下既，性价比又唔错。