鍋心粥底火鍋 (世宙3座) (已結業)

分别在大围及元朗分店都帮衬过数次，200蚊一人价钱，可食7款海鲜（自选5款，另包蟹及蚬），真心觉得几抵食，又没有加一或其他杂费， 明码实价，赞。讲真，次次去，都真系食唔晒所点的食物，感觉有点浪费😅。海鲜质素， 首要赞系只蟹，又肥又多膏，好香，好鲜甜，高质。另一赞位系只鲍鱼，大只新鲜够“淋“。仲有一个惊喜，元朗分店的炸鱼皮真系几得，冇油“益“味，松化，唔硬身，意外惊喜。值得一试!