重慶洪鼎火鍋 (已結業)

朋友推介重庆洪鼎火锅唔错，今日放工就同个朋友一齐去啦，入到去呢，人就唔算好多，噉佢个环境都几大，坐得比较舒服，我哋两个人可以坐张四个人抬，坐落之后睇到个菜单拣咗个火焰醉膏蟹花甲锅有专人帮你搞，好有火个汤好鲜甜𠮶只蟹的蟹膏好多嘅，所以系值得一食啊，𠮶只蟹钳同埋蟹脚都有好多肉食嘅。叫左我最爱既响铃，好松脆打边炉边少得牛，仲有黑毛猪，好新鲜本来拼盘有羊，因为唔食羊，餐厅俾我地转埋牛，太好啦我哋都叫左几多野食，所以最后就冇叫到乌冬，如果下次再来食，可以叫埋个乌冬，再衬埋过火锅汤底食，我觉得会好美味。另外可以提一提，如果你like这间餐厅嘅facebook会送一碟重庆炸酥肉开头谂住佢送嘅野都唔会话太好食嘅，但系点知食落口原来呢碟野好香口，好似食紧炸鱼皮噉啊最后我哋食到九点几就埋单走人喇。