峰G館

营业中

休息中

闷热嘅一日之后就落大雨，今日仍然系打紧1号风球。同屋企人嚟到筲箕湾呢间野新开嘅茶餐厅食返个下午茶，顺便避下雨。叫咗雪山菠萝包，一上枱嘅时候，隔离𠮶几台见到即刻哇哇声，事关个造型真系好抢眼，好似贝壳入面一个珍珠。食落冻冻地，夹埋杯热奶茶真系一流。另外又叫咗杂扒，个人最钟意系猪扒，腌得好好食，亦都够厚身。仲有炸鸡软骨，如果有埋啤酒就正啦最代表作嘅应该系个鲜油粒粒西多士，成旧砖咁大旧，用咗双层嘅厚面包炸成，同平时茶餐厅嘅西多士比起上嚟厚左成倍有多。嘢饮方面叫咗香浓椰子雪糕威龙红豆冰特饮，原来系奶茶加红豆冰加雪糕，都几特别，椰汁雪糕口感滑溜，有椰子味，稍嫌个红豆淋左少少，如果硬啲会有口感啲。总体来讲，小店坐得几舒服，装修用咗工业风，店员又会同每台嘅食客倾吓计，气氛几好，我哋都同隔离枱搭下讪，感觉全店气氛好融合。