影片
更多
2020-01-14
51 浏览
餐厅位于荃新天地1期顶层，装修几靓，但可能位置问题，闲日同假期都唔系好多人。不过都好，可以拣位坐，两个人如果叫多嘢食嘅又可以坐四人台，慢慢食住倾计😎试过一次净系点面餐，觉得几好食。见佢晚市有二人套餐，包面、小食、饮品同甜品，价钱又唔贵就试下🍽小食都好多款，套餐本身已帮我拣左马来香炸鸡翼同沙嗲鸡髀肉串，然后我再喺自选果堆拣左五香卤肉、一口脆豆腐、通菜配马拉盏酱鸡翼肉串惹味又嫩滑、豆腐同样香脆👍🏻👍🏻马拉盏酱好味嘅，但较咸，食时要就住醮👆🏻面就拣左虾肉肉片油面同虾肉鱿鱼米粉，除左𩠌同面底之外，佢仲可以俾你拣汤底，我就拣左辣虾汤🌶虾肉开半吸收哂汤味，鱿鱼亦好入味。汤只系少辣，想加辣就要自己落辣椒油，但系都好好味嘅，虽然佢好深色，但味道啱啱好，唔会过咸😋边食都忍唔住饮多几啖饮品系冰糖柠檬薏米水同青柠梳打，薏米水唔会太甜，食完浓味嘢饮返啖啱哂😉仲好多薏米添甜品啲名样样都唔知系咩，试左桔子香茅冻同摩摩喳喳。见到摩摩喳喳果只紫色时，其实有啲吓亲，但食落同喳喳差唔多😋无论小食、主食、饮品到甜品都好满意嘅一餐👍🏻👍🏻
试过一次净系点面餐，觉得几好食。见佢晚市有二人套餐，包面、小食、饮品同甜品，价钱又唔贵就试下🍽
小食都好多款，套餐本身已帮我拣左马来香炸鸡翼同沙嗲鸡髀肉串，然后我再喺自选果堆拣左五香卤肉、一口脆豆腐、通菜配马拉盏酱
鸡翼肉串惹味又嫩滑、豆腐同样香脆👍🏻👍🏻
马拉盏酱好味嘅，但较咸，食时要就住醮👆🏻
面就拣左虾肉肉片油面同虾肉鱿鱼米粉，除左𩠌同面底之外，佢仲可以俾你拣汤底，我就拣左辣虾汤🌶
虾肉开半吸收哂汤味，鱿鱼亦好入味。汤只系少辣，想加辣就要自己落辣椒油，但系都好好味嘅，虽然佢好深色，但味道啱啱好，唔会过咸😋边食都忍唔住饮多几啖
饮品系冰糖柠檬薏米水同青柠梳打，薏米水唔会太甜，食完浓味嘢饮返啖啱哂😉
仲好多薏米添
甜品啲名样样都唔知系咩，试左桔子香茅冻同摩摩喳喳。见到摩摩喳喳果只紫色时，其实有啲吓亲，但食落同喳喳差唔多😋无论小食、主食、饮品到甜品都好满意嘅一餐👍🏻👍🏻
张贴
