莊館 (已結業)

之前系网上睇到呢间系铜锣湾嘅网红中菜，一直好有兴趣，今日终于得闲同朋友一齐过嚟呢间试下。农历新年有特别嘅menu，桔仔形状嘅虾饺好符合农历新年嘅气氛，肠粉就做成炮仗嘅形状，很有创意。而且味道都好好，肠粉中间一层脆脆地，里面啲馅就系虾同蟹肉，而肠粉皮就用咗红菜头汁去做染色，入口顺滑。另外亦值得一提嘅系佢地嘅带子，带子肉好大粒，而且味道鲜甜，肉质鲜美，又唔会话太熟。多数喺出面饮茶食嘅虾饺都系普通虾，咁用龙虾肉整嘅虾饺你又有冇试过？佢地嘅香槟龙虾饺，用龙虾肉做馅，而虾饺皮晶莹剔透，有淡淡嘅酒味又唔会太抢口，颜值高味道又好食。只豉油皇大虎虾好好食😋最后我哋试埋佢哋非常邪恶嘅流沙包，同埋咖啡酒味葡挞。我哋三个人食咗七百零蚊左右仲有免费泊车添，真心觉得比起利园其他中菜厅价钱合理，系causal dining 入面服务都算细心，期待星期日再嚟。